சவுந்தர்யாவின் ஆக்கர் ஸ்டுடியோ. முதலில் இந்த அனிமேஷன் படத்தில் ஆக்ரோஷ ஹீரோவாக வளர்ந்து வந்தார் ரஜினி. இப்போது அதில் ஒரு முக்கியமான மாற்றம். முப்பது நிமிடங்கள் நிஜமான ரஜினியாகவே தோன்றப் போகிறாராம் சூப்பர் ஸ்டார்.

இவருக்கு ஒரு அறிமுக பாடல் இருக்க வேண்டுமல்லவா? அதனால்தான் ஏ.ஆர்.ரஹ்மானை சந்திக்க வந்திருக்கிறார். அசோக் நகரில் இருக்கும் ரஹ்மான் ஸ்டுடியோவுக்கு தனது மகள் சவுந்தர்யாவுடன் வந்தவர், அரை மணி நேரத்திற்கு மேலாக அவருடன் பேசிக் கொண்டிருந்தாராம்.

இந்த பாடலை வழக்கம் போல வைரமுத்துவே எழுதப் போவதாகவும் தகவல். பொதுவாக ஒரு பாடலை உருவாக்கி தர நீண்ட காலம் எடுத்துக் கொள்வார் ரஹ்மான். இந்த படத்திற்கு கூட உடனே பாடல்களை தரவில்லை என்று முன்பு வருத்தத்தில் இருந்தார் ரஜினி. அதையெல்லாம் களைந்து உடனே பாடல் தர வேண்டும் என்பதற்காகதான் இந்த நேரடி சந்திப்பாம்.